Markering av brukarorganisasjonane ved alle sjukehusa i fylket
Lærings-og meistringssenteret vidarefører arbeidet med Funksjonshemmedes fellesorganisasjon (FFO) og Samarbeidsforumet av funksjonshemmedes organisasjoner (SAFO) med markering av månadens brukarorganisasjon ved alle sjukehusa i Møre og Romsdal.
Foto: Lærings-og meistringssenteret, HMR
Sidan sommaren 2024 har Lærings-og meistringssenteret hatt pågåande eit prosjekt i samarbeid med FFO og SAFO for å synleggjere det viktige arbeidet som pasient-og pårørandeorganisasjonane gjer i fylket vårt.
Eit tiltak med mange gevinstar
Synleggjeringa har som mål å styrke samarbeidet mellom sjukehus og brukarorganisasjonar, og gi både pasientar og helsepersonell betre tilgang til støtte og informasjon.
- For pasientane
Gir tilgang til støtte, rådgiving, fellesskap, og påliteleg informasjon om sjukdom og meistringsstrategiar. Informerer om rettigheiter og ressursar.
- For helsepersonell
Moglegheit til å vise pasientar til ekstra støtte, noko som kan forbetre pasientomsorga og gi ei meir heilhetleg tilnærming til behandling. Gir innsikt i pasientane sitt perspektiv og behov.
- For brukarorganisasjonen
Auka forståing og synlegheit på sjukehus, som kan føre til fleire medlemmer og frivillige. Betre samarbeid med helsepersonell og auka truverdigheit.
- For sjukehuset
Forbetra pasienttilfredsheit, redusert belastning på helsetenestene, og eit positivt omdømme som ein pasientsentrert og omsorgsfull institusjon. Bidreg til ei meir heilhetleg og pasientfokusert helseteneste.
Markering ved alle sjukehusa i Møre og Romsdal
Under prosjektperioden har brukarorganisasjonane kunne melde inn ønske til FFO om å vere månadens brukarorganisasjon. Under den valde månaden har brukarorganisasjonen fått synleggjort seg gjennom informasjonskjermane ved sjukehusa, fått publisitet via Lærings-og meistringssenteret sine websider, samt sosiale medier. I tillegg har brukarorganisasjoanne fått moglegheit for fysisk stand ved gamle sjukehuset i Molde og Ålesund sjukehus, samt om ønskelig møte med fagpersonar innen sitt fagområdet så langt det let seg gjere.
Det er med stor glede vi kan meddele det frå hausten av er moglegheit for brukarorganisasjonane å velge og ha fysisk stand ved alle sjukehusa i fylket vårt.
Bilde av fysisk stand oktober
Ønskjer de å vere månadens brukarorganisasjon?
Dersom de har spørsmål eller ønsker å vere månadens brukarorganisasjon kan de kontakte Funksjonshemmedes landsforbund avdeling Møre og Romsdal på e-post post.moreogromsdal@ffo.no. Besøk også gjerne heimesida til FFO Møre og Romsdal.