Påfyll, samarbeid og nye idéar på haustens nettverkssamling
I oktober deltok 50 deltakarar frå kommunar og sjukehus i Møre og Romsdal på digital samling i nettverk for læring, meistring og helsekompetanse.
Publisert 19.10.2026
Illustrasjon: Colourbox
Målet var å dele erfaringar, inspirere kvarandre og utforske korleis vi saman kan vidareutvikle gode lærings- og meistringstilbod i regionen, styrke helsekompetansen og skape gode møteplassar for samarbeid på tvers av tenestene.
Vi fekk mellom anna høyre om:
-
Helseinnovasjonssenteret i Kristiansund – Nadra Nilsen presenterte arbeida og moglegheitene på senteret for samarbeid om utvikling og gjennomføring av prosjekt. Ta kontakt med Helseinnovasjonssenteret om di teneste har tankar om prosjekt og utviklingsarbeid. Helseinnovasjonssenteret | Innovasjon for helsetenesta
-
TA Tak-kurset i Rindal og Surnadal – kommunane delte erfaringar frå fleire års arbeid med pårørandekurs innan psykisk helse og rus, frå planlegging og gjennomføring til evaluering. Det er fleire kommunar i Møre og Romsdal som tilbyr dette kurset. Ta kontakt med Rindal/Surnadal om de er interesserte å starte opp med Ta Tak kurs! Ønskjer du å TA TAK? - Surnadal kommune - Startsida
-
Korleis nå fram med informasjon? Carina Giske, kommunikasjonsrådgivar i Helse Møre og Romsdal, gav oss ei god innføring om marknadsføring, sosiale medium, biletbruk og korleis vi kan formidle ein tydeleg bodskap. Ho løfta også betydninga av brukarmedverknad og helsekompetanse, og korleis vi kan gjere informasjon meir relevant, forståeleg og tilgjengeleg. Vi fekk også refleksjonar rundt ein medviten og forsiktig bruk av kunstig intelligens.
-
Læringsverkstad – Astrid Ljøkjell og Per Magnus Hatlehol avslutta samlinga med smakebitar på digitale verktøy som Copilot, Forms og Slido, og korleis desse kan brukast til mellom anna involvering, dialog, læring og evaluering.
Tusen takk til alle som deltok, delte erfaringar og bidrog til ei innhaldsrik og inspirerande samling.
Vi treng kvarandre for å lykkast med gode lærings- og meistringstilbod. Når kommunar, sjukehus og brukar- og pårørenderorganisasjonar deler erfaringar, prøver ut nye løysingar og lærer av kvarandre, kan vi saman utvikle tilbod som i større grad møter behova hos dei vi er til for.
Vi inviterer derfor alle som er engasjerte i læring, meistring og helsekompetanse til å ta del i det vidare nettverksarbeidet på tvers av kommunar, sjukehus og brukar- og pårørenderorganisasjonar.
Har de erfaringar å dele, eit tilbod de vil løfte fram, utfordringar de ønskjer innspel på eller idear til nye samarbeid – ta kontakt med oss i arbeidsgruppa.
Vi håpar å sjå deg på neste samling i 2027 - meir info kjem!