Helse Møre og Romsdal tilbyr opplæring og kurs for pasientar og pårørande innanfor ulike diagnosegrupper både individuelt og i grupper. Les meir om tilboda som er tilgjengelege.
Svært mange avdelingar tilbyr oppfølging gjennom kurs og gruppeopplæring. Målet med opplæringa og lærings- og mestringstilbod er at du skal lære om helseutfordringa di og korleis du kan meistre kvardagen betre. I kurskatalogen på nett er dei fleste tilboda i fylket samla:
Klikk her for meir informasjon om pasient og pårørandeopplæring
Opplæring av pasientar og pårørande er ein av helseføretaka sine fire hovudoppgåver. I nasjonale helseplanar og i Helse Midt-Norge sin strategi fram mot 2030 leggast det til rette for at pasientane i større grad har moglegheit for å verte ein del av behandlingsteamet. Pasientar og pårørande må då få informasjon og opplæring som gjer dei i stand til å meistre eigen sjukdom og situasjon.
Lærings- og meistringssenteret (LMS) i HMR jobbar for å gjere opplæringstilbod kjent og utvikle likeverdige læringstilbod i samarbeid med brukarar og helsepersonell.
Følg gjerne LMS på Instagram: lms_hmr eller klikk på kontaktinformasjonen under.
