Undersøking av auge består som regel av fleire ulike undersøkingar for å finne ut om barnet har ein augesjukdom, eller for å kontrollere sjukdommen og synet. Vi sjekkar også om barnet treng synshjelpemiddel eller om dei hjelpemidla barnet allereie har fungerer godt. Undersøkingane kan ta litt tid, vanlegvis 1–2 timar.
Hugs å ta med briller eller linser dersom barnet bruker det.
Prøv å førebu barnet godt, sidan nokre av testane krev at barnet samarbeider. Forklar barnet kva som skal skje, og sjå gjerne bilete av utstyret som skal brukast. Dette bidreg til tryggleik hos barnet.
Vi tilrår at de førebur barnet ein dag i forkant av undersøkinga tilsvarande alder. Til dømes kan eit barn på fem år førebuast fem dagar før undersøking.
Augeundersøking tek vanlegvis 1–2 timar. Det står i innkallingsbrevet kva det er planlagt å teste. I hovudsak er det fire ting vi sjekkar:
Lege, optikar, ortoptist eller sjukepleiar utfører undersøkingane.
Dersom barnet skal ha augedropar som utvidar pupillen i samband med undersøkingane, kan dei svi litt. Augedropane tek 15–30 minutt før dei verkar.
Lege kan vere ganske nær for å sjå inn i auget til barnet, og barnet kjem til å bli lyst inn i auget. Barnet kan bli bede om å seie/peike på kva det ser, sjå opp i taket, ned mot golvet, og få ein lapp framfor auget.
Barnet kan vanlegvis dra til barnehagen eller skule etter undersøkinga.
Augedropane kan gi barnet litt uklart syn etter augedropane, men dette går over etter nokre timar. Dersom barnet ser uklart kan det vere vanskeleg med nærarbeid som lekser og teikning, men greitt å vere med på aktivitetar. Gi barnehage eller skule beskjed om dette.
Augedropane gjer at det kan vere ubehageleg med sterkt lys etter undersøkinga. Solbriller og/eller kaps kan hjelpe.
2. etasje, fløy F (2F).
Opdølvegen 4
6450 Hjelset
Vi har fått automatisk skiltgjenkjenning som registrerer deg når du kjem. Etter besøket kan du gå til betalingsautomat, registrere bilnummeret og betale for tida du har parkert.
Du kan også velje automatisk betaling via appen EasyPark. Les meir kameraparkering på EasyPark si nettside
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Finn fram på sjukehuset med Mazemap
