Kapillaroskopi er ei undersøking av dei minste blodårane i naglesengene (kapillar) med mikroskop.
Vi gjer kapillaroskopi for å undersøke personar med «likfingrar» (Raynauds fenomen) når det er mistanke om revmatisk bindevevssjukdom.
Dei fleste som har Raynauds fenomen har ingen underliggande sjukdom. Når Raynauds fenomen kjem av ein revmatisk bindevevssjukdom ser vi endringar i dei små blodårane.
Det er viktig at fingrane dine er varme før undersøkinga. Du må derfor vere i romtemperatur i minst 15 minutt før undersøkinga startar.
Du må ikkje røyke siste timen før undersøkinga fordi det kan føre til samantrekking av dei små blodårane vi skal undersøke. Du bør ikkje ha på deg naglelakk fordi det kan dekke over blodårane.
For å få best mogleg bilde bruker vi ei olje eller gel i naglesengene. Vi held eit lite mikroskop over naglesengene og får bilda overført til ein dataskjerm for vidare vurdering.
1. etasje, fløy DS.
Åsehaugen 5
Besøksparkering i parkeringshuset Passasjen, med innkøyring ved habiliteringsbygget og ved den nye hovudinngangen til sjukehuset. Parkering i parkeringshuset blir registrert automatisk med skiltgjenkjenning.
Oppdaterte prisar for parkering finn du på sunnmoreparkering.no
HC-parkering finn du i første etasje på parkeringshuset, med innkøyring ved hovudinngangen til sjukehuset. I tillegg er det HC-parkering ute ved habiliteringbygget, hovudinngangen, barne- og ungdomsavdelinga, kreftavdelinga, vaksenpsykiatrisk poliklinikk / barne- og ungdomspsykiatrisk poliklinikk (BUP), UPA og ved administrasjonsbygget.
For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.
Finn fram på sjukehuset med Mazemap
