Sjølvtillitsgruppe - Ålesund

Kvifor delta på kurs

Målsettinga er å betre deltakarane si evne til å kommunisere eigne ønske og behov, uttrykke eigne meiningar og ta eigne val.

Innhald

Hovudsakleg kognitiv og meistringsorientert tilnærming. 

Aktuelle tema, med atterhald om endringar:

• Reaksjonsmåtar
• Kroppsspråk
• Mine rettar som menneske
• Korleis be om det du har behov for?
• Korleis bygge sjølvrespekt?
• Gi og ta imot kritikk
• Ulike forventningar til menn og kvinner
• Vegen vidare

Praktiske opplysningar

Før oppstart i gruppe får alle deltakarar individuell vurderingssamtale. Saman med terapeuten finn ein ut om dette gruppetilbodet er den rette behandlinga no.

Gruppa møtast til faste tider ein gong i veka, ca. 2 timer kvar gong, til saman 10 veker. 
Maks 8 gruppemedlemmar per kurs.

Rettar og eigenandel

Sjukemelding: Dersom du treng sjukmelding, kontakt fastlegen din.

Pasientar har rett til fri for å delta på pasientopplæring. Rettar ved reise og opphald gjeld som ved andre polikliniske timar på sjukehuset.

Du må betale eigenandel som ved ein vanleg poliklinisk konsultasjon. Dette går inn i frikortgrunnlaget, ingen eigenandel for deg som har frikort. Faktura sendes etter kurset.

Lenke til utfyllande informasjon om eigenandel og andre rettar finn du her