Vi tilrår at du alltid nyttar siste versjon av nettlesaren din.

Våt aldersrelatert makula degenerasjon (våt AMD)

AMD er ein augesjukdom som kan medføre varig skade i skarpsynsområdet (makula). På folkemunne blir sjukdommen ofte kalla forkalking i auget eller svekking av skarpsynet.

Tørr og våt AMD

Vi skil mellom tørr og våt AMD. Verken tørr eller våt AMD kan kurerast, men våt AMD kan behandlast med injeksjonar. Behandlinga gjer at dei aller fleste beheld synet dei har, og dei fleste som ikkje har fått varige skadar på netthinna, vil også få betre syn. Våt AMD inneber for dei fleste behandling med jamne mellomrom livet ut.

Tilvising og vurdering

Både fastlege, optikar og privatpraktiserande augelege kan vise deg til Augeavdelinga ved mistanke om AMD. Ein augelege vil vurdere fartsgraden på tilvisinga.

For at pasienten skal få raskast og best mogleg behandling er det viktig at fastlege, optikar eller privatpraktiserande augnelege gjer nødvendige undersøkingar, og sender oss den informasjonen vi treng om pasienten.

Tilvising ved mistanke om AMD skal innehalde informasjon om

  • visus
  • kor lenge pasienten har hatt nedsett syn
  • pasienten har hatt hurtig eller langsam synsnedsetjing
  • pasienten har metamorfopsier eller ikkje (kroksyn)
  • trykk
  • andre sjukdommar

Frå optikar ønskjer vi i tillegg

  • fundusfoto (øyebunnsbilde)

Frå augelege ønskjer vi i tillegg

  • OCT

Utgreiing

På augeavdelinga vil du bli motteken av ein sjukepleiar, som vil gjennomføre aktuelle forundersøkingar.

Les om

Behandling

Får du påvist våt AMD, vil du få tilbod om sprøyteinjeksjon direkte i auget. Behandlinga gjer at dei aller fleste beheld synet dei har, og dei fleste som ikkje har fått varige skadar på netthinna, vil også få betre syn.

Behandlinga må gjentakast med jamne mellomrom, og varer ofte livet ut.

Intravitreal injeksjon (IVI)

Oppfølging

Augeavdelinga vil følgje deg opp med kontrollar og eventuelle nye injeksjonar.

Ver merksam

Opplever du aukande smerter eller ubehag, at du er hoven, at auga blir raudare, at du får uklart syn eller blir meir sensibel for lys, må du kontakte oss så snart som mogleg.

Sist faglig oppdatert 30.01.2026

Kontakt

Sjukehuset Nordmøre og Romsdal Hjelset Augepoliklinikk SNR

Kontakt Augepoliklinikk SNR

Oppmøtestad

2. etasje, fløy F (2F). 

Dronebilde av Sjukehuset Nordmøre og Romsdal, Hjelset. Eit sjukehus ved fjorden. Arbeid med uteområdet gjenstår.

Sjukehuset Nordmøre og Romsdal Hjelset

Opdølvegen 4

6450 Hjelset

Finn fram

Transport

Pasientreiser

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss til sjukehuset

Det er busstopp like ved hovudingangen til sjukehuset.

FRAM i Møre og Romsdal fylkeskommune har ansvaret for kollektivtilbudet i fylket. For å søke opp ruter på ein spesifikk trasé, sjå: https://frammr.no/

PDF-tabellane blir også oppdaterte ved endringar: https://frammr.no/reise/rutetabellar-og-linjekart/buss/

Fly

Molde lufthavn, Årø ligg om lag 16 km frå sjukehuset.

Kristiansund lufthavn, Kvernberget ligg om lag 48 km frå sjukehuset.

Parkering 

Det blir ca 1200 parkeringsplasser ved SNR Hjelset. Sjå eigen informasjon under Kart og parkering. 

 

Parkering

Vi har fått automatisk skiltgjenkjenning som registrerer deg når du kjem. Etter besøket kan du gå til betalingsautomat, registrere bilnummeret og betale for tida du har parkert.

Du kan også velje automatisk betaling via appen EasyPark. Les meir kameraparkering på EasyPark si nettside 

Diagram, kart
Du finn parkeringsområde nord (P3) og nordvest (P2) for sjukehuset. HC-parkering finn du også like ved hovudinngangen. Parkeringsområdet ved Hjelsetvegen (P12) er tilgjegeleg både for tilsette og besøkande.

Kart

For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.

Finn fram på sjukehuset med Mazemap

 

Etasjeoversikt SNR Hjelset

Diagram Etasjeoversikt SNR Hjelset.pdf
Ei skisse som viser fløy-inndelinga av sjukehuset og kva avdelingar du finn i dei ulike etasjane.

 

Praktisk informasjon

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

Gjestenettet HMNGuest er opent tilgjengeleg, uten bruk av passord.

​Apoteket ligg rett til venstre når du kjem inn hovudinngangen til SNR Hjelset. 

Opningstider og kontaktinformasjon til sjukehusapoteket på Hjelset kan du finne her

Kafé SNR

Like innom hovudvestibylen i 2. etasje finn du Kafé SNR. Her tilbyr vi lunsj- og middagsrettar, stor salatbar, kaker, fast food og påsmurt bakst. 

Opningstider

Mandag - fredag: kl 9:00-20:00

Laurdag og søndag: kl 10:00-18:00

 

Kiosk

Ved SNR Hjelset har vi også kiosk 24/7 i form av smarte vareskap og drikkeautomatar på sjukehuset. Her får du kjøpt drikke, sjokolade, snacks, gåveartiklar og matrettar frå kjøkkenet. Vi har også Espresso House Barista stasjon.  

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.