Helsefellesskap Møre og Romsdal
Samarbeid mellom Helse Møre og Romsdal og kommunane i fylket.
Her finn du partnarskapsmøtet, strategisk samarbeidsutval, lokale samarbeidsutval og 12 faglege samarbeidsutval.
Tid og stad
Når
- 07. nov. 2025
Kvar
Bystyresalen, Ålesund kommune.
Framover må våre felles helse- og omsorgstenester vere berekraftige, fleksible og meir samordna enn i dag. Skal vi lukkast, må vi tore å rive, forenkle og bygge på nytt – med pasienten først, ikkje systemet. Radikal transformasjon handlar om å møte behova tidlegare, nærare og med enklare løysingar – før dei veks seg store og komplekse. Dette krev eit tankesett som skiftar retning: frå institusjon til førebygging, frå silo til flyt, frå vanetenking til tiltak som verkeleg gir effekt.
Samhandlingskonferansen 2025 samlar aktørar frå helsefellesskapet og heile Møre og Romsdal for å løfte blikket – og gå i djupna på korleis vi saman møter store utfordringar i helse- og omsorgstenestene.
Målgruppe for samhandlingskonferansen
- Partnarskapsmøtet og Strategisk samarbeidsutval, inkludert Statsforvaltar og Pasient- og brukarombod.
- Leiar og nestleiar i faglege samarbeidsutval.
- Styret i Helse Møre og Romsdal, direktørar, klinikksjefar, avdelingssjefar.
- Ordførar/leiarar hovudutval helse og omsorg, kommunedirektørar, kommunalsjefar, kommuneoverlegar.
- KS Møre og Romsdal.
- NAV Møre og Romsdal.
- Utdanningsinstitusjonane i fylket.
- Møre og Romsdal fylkeskommune.
- Tillitsvalde fylkesnivå.
To hovudtema for konferansen
- Helse- og omsorgsberedskap i eit samhandlingsperspektiv som ledd i totalberedskapen. - Når kriser oppstår må vi handle raskt og samla.
- Radikal transformasjon i helse- og omsorgstenestene framover. Skal vi halde fram med å gi tenester og hjelp som verkar, må vi omstille
- klokare, tidlegare og saman.
Dagen vil kombinere faglege innspel, dialog og refleksjon.
Hald av datoen! Meir detaljert program vil kome.
