Samhandlingsoptimalisering med Helseplattformen - SAMOPP

1. Betre bruk av Helseplattformen som samhandlingsarena.  
2. Klare ansvarslinjer og standardiserte pasientforløp.
3. Redusert dobbeltarbeid og ikkje-verdiskapande aktivitetar. 
4. Redusert risiko for feil og pasientskade.
5. Auka innbyggar- og pasientinvolvering.

 

Dette er et prosjekt som går over to år, og som er tenkt delt inn i faser. Dei tentative leveransane knytt til kvar fase er lista opp under.  

Fase 1 – Oppstart og innsikt 

Oppstart 

• Etablering av prosjekt, inkludert utforming av prosjektplan og andre prosjektdokument (Interessantoversikt, kommunikasjons- og framdriftsplan risikovurdering mv) 
• Utarbeiding av gevinstmål og etablering av nullpunkt. Her skal ein sjå til, og koordinere seg med gevinstteamet i Helseplattformen. 
• Kort og enkelt matreale til orientering om prosjektet i organisasjonane og til interessentar 
• Forankring og kommunikasjon av prosjekt i relevante fora i dei involverte organisasjonane, samt i helsefellesskapet, strategisk samarbeidsutval mv 

 

Innsikt og avklaring 

• Sikre innsikt og avklaring knytt til kva for pasientgruppe ein skal starte arbeidet med - vedtatt skrøpelege eldre (over 75 år).  
• Opprette kontakt med prosjekt og initiativ som grensar til dette, og avklare korleis ein kan utfylle kvarandre for best mogleg heilskapleg resultat 
• Avklare kva rolle sjukehusa og kommunane skal ha i prosjektet, til dømes korleis ein skal samarbeide om tiltak og teste ut ulike tiltak 

 

Fase 2 – Dagens pasientforløp og utarbeiding av tiltak 

Dagens forløp 

• Identifisere pasientcase som eignar seg for generisk framstilling av dagens pasientforløp for til dømes pasientgruppa eldre multisjuke. Jfr. framtidsretta-pasientforlop-for-den-eldre-multisjuke
• Framstilling av dagens pasientforløp for den utvalde pasientgruppa i dei tre arbeidsstraumane. Spesielt fokus på arbeidsprosessar knytt til overgangar og dokumentasjons- og kommunikasjonsflyt mellom kommune- og spesialisthelsetenesta helseføretaket og tre ulike kommunar 
• Oversikt over område i dagens pasientforløp som bidreg til dårleg pasientoppleving, dobbeltarbeid, risiko for feil og plunder og heft i kvar arbeidsstraum 

 

Utarbeiding av tiltak 

• Utarbeiding av ideelt pasientforløp og arbeidsprosessar i Helseplattformen, knytt til overgangar og kommunikasjon mellom kommune- og spesialisthelsetenesta for til dømes eldre multisjuke eldre. Pasientforløpet skal være så likt som mogleg på tvers av kommunane.  
• Skilnaden mellom dagens pasientforløp i dei ulike kommunane og det framtidige felles pasientforløpet dannar grunnlag for tiltak og ein innføringsplan for den enkelte kommune og sjukehus 
• Tiltaka må mellom anna vurderast med omsyn til økonomiske konsekvensar for partane 
   

Fase 3 - Innføring av tiltak 

• Stegvis innføring av tiltaka i dei ulike arbeidsstraumane. Dette betyr at ein kan starte innføring av enkelte tiltak før andre, og på denne måten sikre framdrift og justere vidare plan og tiltak ihht det ein lærer.  
• Kontinuerleg læring mellom arbeidsstraumane om mellom tiltaka som vert innført 
• Løpande vurdere gevinstar med innføringane, og evt la resultata påverke det vidare arbeidet i prosjektet. 
   

Fase 4 – Utarbeiding av rettleiar 

• Utarbeiding av rettleiar, inkludert malar og arbeidspakkar for utarbeiding av tilsvarande arbeid med andre pasientforløp i framtida. Rettleiaren skal innehalde gjennomføringsmetode for kvart av stega, samt lenke til verktøy, malar etc som kan være til nytte 
   

Fase 5 – Avslutning og tilråding 

• Oppsummering av erfaringar etter arbeidet, inkludert erfaringar knytt til samarbeidet mellom aktørane i prosjektet 
• Sluttvurdering av prosjektet si gevinstrealisering i samarbeid med Helseplattformen sitt gevinstteam 
• Tilråding til struktur for vidare arbeid med heilskaplege pasientforløp i Møre og Romsdal helsefellesskap. I henhold til og som tilføying til: Dokument «Regional metodikk for standardiserte pasientforløp i Helse Midt-Norge», 
• Utarbeiding og presentasjon av sluttrapport i eigna fora 

​

• Eit samarbeidsprosjekt mellom kommuner og foretak på Helseplattformen ​
• Varigheit: 2 år, oppstart 5. mai 2025 ​
• Rekrutterings- og samhandlingstilskot i Helsefellesskap Møre og Romsdal​
• Prosjekt delt inn i ulike faser, iterativ tilnærming

Prosjekteigar: Helge Storøy, avdelingsleiar e-helse og teknologi, HMR
Prosjektleiar: Katrine Skrede Mortveit

Prosjektgruppe:  

• Helse Møre og Romsdal: Thorleif Jansen, Unni Irene Arnestad 
• Kristiansund kommune: Janne Marthe Viddal: avdelingsleder, Helseplattformen drift og forvaltning
• Molde kommune: Monica Berg/Sindre Bergquist: Systemkoordinator
• Ålesund kommune: Ann Elin Melbø Myklebust: verksemdsleiar, Ann Kristin Røyset: Prosjektleiar