Simulering gir helsepersonell høve til å øve på realistiske pasientsituasjonar i trygge og autentiske omgjevnader. Treninga kan variere frå enkel ferdigheitstrening til avansert fullskalasimulering. For å styrke den faglege kompetansen og fremje pasienttryggleik satsar HMR på simulering som eit sentralt pedagogisk verkty.
Eit viktig mål med simuleringsarbeidet er å trene på realistiske pasientsituasjonar og på denne måten styrke utdanning og kompetansebygging for helsepersonell. Som ein konsekvens av dette aukar også pasienttryggleiken. I tillegg bidreg standardisert simulering til å bygge kompetanse på tvers av fagområda. I fleire scenarier vil ein til dømes trene i eit tverrprofesjonelle team.
Simulering er ein viktig del av læringssløyfa for spesialisert helsepersonell. I fjor høst blei det gjennomført eit pilotprosjekt, kjend som SimiLis, med simulering på alle sjukehusa.
I HMR er simulering organisert i form av VirtSim som leias av ein teamkooordinator og med lokale koordinatorar og ressursar på kvart sjukehus.
VirtSim er Helse Møre og Romsdal sitt dedikerte team for simulering og ferdigheitstrening. Teamet koordinerer, støttar og kvalitetssikrar simuleringsaktivitet på tvers av sjukehusa.
Oppgåver
Visjon
Tryggare pasientbehandling og høgare kvalitet gjennom realistisk simulering i trygge læringsmiljø.
Bakgrunn for namnet VirtSim
Namnet speglar satsinga på digitale løysingar for samhandling på tvers av sjukehusa. VirtSim støttar in‑situ‑øvingar og kunnskapssenter i Ålesund, Volda og SNR Hjelset, og nyttar SimCapture til gjennomføring, deling og debrief av simuleringsaktivitetar.
