Prosjektet «Auka læring i praksisstudium – simulering og ferdigheitstrening for sjukepleiarstudentar og helsepersonell i spesialisthelsetenesta» har vore gjennomført i Volda og Ålesund i perioden 2023–2026. 

Andreårs sjukepleiarstudentar frå NTNU har saman med sjukepleiarar og praksisrettleiarar frå fleire sengepostar i Helse Møre og Romsdal teke del. Målet har vore å styrkje kvaliteten i praksisstudia gjennom systematisk ferdigheitstrening og simulering.

Lærer saman i praksis

Ein viktig del av prosjektet har vore å samle studentar og praksisrettleiarar på same læringsarena.

– Målet har vore å bruke ferdigheitstrening og simulering for å styrkje samhandlinga mellom sjukepleiarstudentane og praksisrettleiarane. Vi ønskte å auke læringsutbytet til studentane, samtidig som dei tilsette fekk kompetanse i å bruke simulering som pedagogisk metode, seier Elisabeth Forberg, ansvarleg for VirtSim i Helse Møre og Romsdal.

Deltakarane har mellom anna trena på handtering av sentralt venekateter, veneport, ventrikkelsonde og perifert venekateter etter gjeldande prosedyrar i HMR.

Gjennom realistiske pasientscenario har dei òg øvd på observasjon, klinisk vurdering, kommunikasjon og samarbeid når pasientar får forverra tilstand.

Praktisk trening gir tryggleik

Bilde 1/8

Åpne i fullskjerm

Studentar og tilsette trenar saman på kliniske prosedyrar i ferdigheitslaben. Gjennom felles øving får deltakarane omsett teori til praksis og styrkt både kliniske ferdigheiter, samarbeid og fagleg tryggleik.

Øving gjer meister: Gjennom felles ferdigheitstrening får studentar og helsepersonell styrkt kompetansen sin i trygge omgjevnader

Trygg trening: Simuleringsrommet er utstyrt for å etterlikne kliniske situasjonar og styrkje læringa i praksisstudia.

Frå teori til handling: Simuleringsutstyr gir studentar og helsepersonell høve til å trene på prosedyrar i realistiske omgjevnader.

Gjennom videooverføring kan deltakarane observere simuleringa frå eit anna rom. Det legg til rette for refleksjon og læring i fellesskap.

Frå observasjonsrommet kan studentar og praksisrettleiarar følgje simuleringa tett og drøfte val, kommunikasjon og kliniske vurderingar i etterkant.

Sjukepleiarstudentane trenar på innlegging av perifert venekateter (PVK) som del av prosjektet. tudentar og praksisrettleiarar har trena saman på prosedyrar etter gjeldande retningslinjer i Helse Møre og Romsdal.

I opplæringa får studentar og tilsette undervisning både i teori og praksis

Praktisk trening gir tryggleik

Bilde 1/8

Bildegalleri fullskjermvisning

Lukk

Studentar og tilsette trenar saman på kliniske prosedyrar i ferdigheitslaben. Gjennom felles øving får deltakarane omsett teori til praksis og styrkt både kliniske ferdigheiter, samarbeid og fagleg tryggleik.

Øving gjer meister: Gjennom felles ferdigheitstrening får studentar og helsepersonell styrkt kompetansen sin i trygge omgjevnader

Trygg trening: Simuleringsrommet er utstyrt for å etterlikne kliniske situasjonar og styrkje læringa i praksisstudia.

Frå teori til handling: Simuleringsutstyr gir studentar og helsepersonell høve til å trene på prosedyrar i realistiske omgjevnader.

Gjennom videooverføring kan deltakarane observere simuleringa frå eit anna rom. Det legg til rette for refleksjon og læring i fellesskap.

Frå observasjonsrommet kan studentar og praksisrettleiarar følgje simuleringa tett og drøfte val, kommunikasjon og kliniske vurderingar i etterkant.

Sjukepleiarstudentane trenar på innlegging av perifert venekateter (PVK) som del av prosjektet. tudentar og praksisrettleiarar har trena saman på prosedyrar etter gjeldande retningslinjer i Helse Møre og Romsdal.

I opplæringa får studentar og tilsette undervisning både i teori og praksis

Styrkjer den kliniske kompetansen

S0imulering gir studentane høve til å omsetje teori til praktisk handling i trygge omgjevnader, forklarar Forberg

– Ferdigheitstrening og simulering gjer det mogleg å øve på prosedyrar og kliniske situasjonar før ein møter tilsvarande utfordringar i pasientbehandlinga. Det bidreg til å styrkje både fagleg tryggleik, klinisk vurderingsevne og samarbeid i team, seier ho.

Etter øvingane har deltakarane gjennomført strukturert refleksjon og debriefing for å analysere eigne handlingar og knyte erfaringane til teori og klinisk praksis.

– Når studentar og helsepersonell lærer saman, får dei eit felles språk og ei felles forståing av roller, ansvar og arbeidsmetodar. Det styrkjer både rettleiinga i praksis og samarbeidet rundt pasienten, seier Forberg.

Har utdanna ferdighetsinstruktørar og utvikla læringsressursar

Prosjektet har også bidrege til kompetansebygging i organisasjonen.

Så langt har prosjektgruppa:

• utvikla fire undervisningsfilmar om simulering som pedagogisk metode
• kursa 20 sjukepleiarar som ferdigheitsinstruktørar i Volda og Ålesund
• innført simulering og ferdigheitstrening som læringsmetode i fleire praksisstudium

– Vi ser ei aukande interesse for systematisk ferdigheitstrening og simulering ute i seksjonane. Prosjektet har vist kva moglegheiter som ligg i å bruke desse metodane som ein del av praksisstudia, seier Forberg.

Kan bli ei varig ordning

Prosjektet er finansiert gjennom midlar frå Regionalt samarbeidsorgan for utdanning, forsking og innovasjon, i kategorien kvalitet, relevans og kapasitet i praksisstudium.

No skal prosjektet sluttevaluerast.

– Tilbakemeldingane så langt tyder på at både studentar, praksisrettleiarar og utdanningsinstitusjonen ønskjer ei vidareføring. Når sluttrapporten er ferdig, skal det vurderast om modellen kan takast i bruk i fleire seksjonar eller etablerast som ein fast del av praksisstudia, seier Forberg.