Skal du avbestille eller endre ein time?
Du må gi beskjed seinast 24 timar før for å unngå gebyr, sjølv om du har frikort eller er fritatt for eigendel.
Foto: Kristin Støyen
I Helse Møre og Romsdal kan ein anten ringe eller sende melding via HelsaMi for å gi beskjed om ein ikkje kan møte til oppsett time. E-post er ikkje ein sikker kanal og skal ikkje brukast i slike tilfelle.
Ring for å melde frå
Ring til den aktuelle avdelinga dersom du ikkje kan møte til oppsett time.
Finn telefonnummer til aktuell avdeling her
Du kan også ringe sentralbordet og bli sett over til rett avdeling:
Send melding via HelsaMI
Om du får innkallingsbrev frå sjukehuset i HelsaMi, kan du i mange tilfelle sende melding frå HelsaMi direkte til avdelinga om du ikkje kan møte til timen. Logg på helsami.no eller last ned HelsaMi-appen og finn timen din der. Dersom du ikkje får opp melding som alternativ, må du ringe for å gi beskjed.
Viktig for alle at du melder frå så snart som råd
Dersom du ser at du ikkje kan kome til oppsett time er det viktig at du melder frå så snart som råd. Då kan andre få tilbod om timen og du bidreg til å redusere ventetidene.
Unngå gebyr
Du må seie i frå seinast 24 timar før for å unngå å måtte betale gebyr for timen som ikkje passa. Dette gjeld sjølv om du har frikort eller er fritatt for eigedel.
Sjå meir informasjon om eigendel og betaling på helsenorge.no