Kreftpoliklinikken SNR Kristiansund

På kreftpoliklinikken tilbyr vi behandling til pasientar som skal ha cellegift, immunterapi eller anna type medikamentell kreftbehandling. Type behandling varierer frå diagnose til diagnose. Det varierer også kor lang tid behandlinga tek, nokre behandlingar går over ein dag, andre over fleire dagar. Kreftpoliklinikken SNR har lokasjonar både på Hjelset og i Kristiansund med opningstid mandag-fredag på Hjelset og mandag til torsdag i Kristiansund. I feriar og høgtider blir all behandling gitt på Hjelset. Du kan få innkalling anten til SNR Hjelset eller SNR Kristiansund. Ver merksam på oppmøtestad i innkallingsbrevet ditt.

Dagens kreftbehandling er avansert og individuelt tilpassa pasienten. All behandling blir vurdert ut frå type diagnose, alder, allmenntilstand og diagnoseutbreiing.

Vi tilbyr forundersøking dagen før planlagt behandling. Denne forundersøkinga inkluderer blodprøvar og samtale med sjukepleiar. Når pasienten kjem til behandling dagen etter, er kuren ferdig blanda og klar frå apoteket. Dette gir mindre venting for pasienten, da behandlinga kan starte når pasienten kjem.

Ved lang reiseveg er det mogleg å ta blodprøver på fastlegekontoret, og deretter ha forundersøking som video- eller telefonkonsultasjon med sjukepleiar. Dette gir mindre reising for pasienten.

Ved kreftpoliklinikken har vi fleire behandlingsrom og eit eige rom for samtale med sjukepleiar.

Pasientar som treng strålebehandling blir sendt til Ålesund sjukehus for behandling.

Kontakt

Kreftpoliklinikken

71 11 62 97

Måndag - Fredag 08:00 - 15:30
Laurdag - Søndag STENGT

Videokonsultasjon

Vi tilbyr videokonsultasjon. Klikk her for rettleiing

Slik finn du fram

Kreftpoliklinikken finn du på plan 0, inngang H.

Hovudinngangen ved Kristiansund sjukehus

SNR Kristiansund

Herman Døhlens vei 1

6508 Kristiansund

Finn fram

Praktisk informasjon

Eit trenings- og aktivitetsrom for kreftpasientar.

Aktiv mot kreft jobbar for for å få fysisk aktivitet inn som ein del av behandlinga.

Pusterommet er eit trenings- og aktivitetssenter som tilbyr tilpassa fysisk aktivitet til kreftpasientar under og etter behandling. Det er også ein møteplass og sosial arena for pasientar i same situasjon.

Dei tilsette du møter på Pusterommet har spesialkompetanse innan fysisk aktivitet og kreft.

Du kan delta i gruppetrening og/eller få individuelt tilrettelagt treningsprogram.

Pusterommet på Hjelset

Pusterommet i Kristiansund

Pusterommet i Volda

Pusterommet i Ålesund