Vi tilrår at du alltid nyttar siste versjon av nettlesaren din.

Tinnituskaka

Tinnitus - digital behandling

Tinnituskaka er ei nasjonal, digital teneste som kan hjelpe menneske med tinnitus til å kome «Rett ut frå start» og vidare inn i eit fagleg tilrådd strukturert rehabiliteringsforløp.

Øyresus (tinnitus)

I Tinnituskaka har vi standardisert utgreiinga ved tinnitus. Du får enkel tilgang til verktøya Tinnitus Retraining Therapy (TRT) og Kognitiv Atferdsterapi (KAT) som kan legge til rette for habituering (tilvenning) til tinnitussignalet, i staden for at ein blir sensitivisert til ei kronisk stressliding.

Målet er at vår nye digitale teneste, Tinnituskaka, vil gi fleire tinnituslidande eit betre tilbod enn det vi har hatt høve til tidlegare.

Tilvising og vurdering

Før tilvising til Tinnituskaka må pasienten vere utgreidd i samsvar med den standardiserte utgreiinga som skjer hos lokal ØNH-lege / ØNH-avdeling. ØNH-lege kan tilvise vidare til Tinnituskaka.

Den dagen vi får tilvisinga til Tinnituskaka blir pasienten registrert i programmet og pasienten får med éin gong ein sms med 3 ting:

  1. Lenke til ein video som informerer om opplegget (17 minutt)
  2. Eit digitalt spørreskjema som skal fyllast ut, Tinnitus Handicap Inventory (THI)
  3. Påmelding til eit 6 timars introduksjonsseminar til Tinnituskaka der ein kan velje mellom fysisk eller nettbasert frammøte. I utgangspunktet tilrår vi nettbasert då dette blir halde kvar månad (med unntak av feriar) og ein slepp reise.

Fastlege tilviser til lokal ØNH-lege / ØNH-avdeling.

ØNH-lege tilviser elektronisk til Tinnituskaka: Øre-nese-halssykdommer, SNR, Helse Møre og Romsdal HF.

Tilvisinga skal innehalde

  • ØNH-undersøking, viktigast med otomikroskopi.
  • 4 høyrselstestar: Tympanometri, rentone, tale og ubehagstest.
  • Svar på MR Tinningben dersom indisert, indikasjonar: Einsidig tinnitus med samsidig asymmetrisk nevrogent høyrselstap eller pulssynkron tinnitus.

Fastlege kan tilvise til Tinnituskaka dersom nødvendige vedlegg frå ØNH-lege følger med.

Før

  • Du må ha smarttelefon, nettbrett eller PC, då tilbodet er nettbasert.
  • Du må ha Bank-ID, då du må legitimere deg når du går inn på Tinnituskaka.

Du får ein sms når vi mottek tilvisinga og registrerer deg i Tinnituskaka. I sms-en er det lenke til Tinnituskaka der du skal utføre tre ting som du finn under menyen Introduksjon:

  1. Sjå ein presentasjonsvideo av opplegget
  2. Svare på eit digitalt spørreskjema, Tinnitus Handicap Inventory (THI)
  3. Melde deg på eit 6-timars introduksjonskurs til Tinnituskaka. Du kan velje mellom nettbasert eller fysisk frammøte ved Sjukehuset Nordmøre og Romsdal på Hjelset. Vi tilrår nettbasert då det blir halde kvar månad (med eventult unntak under ferie) og du slepp å reise.
Viser tre trinn for å komme i gang med Tinnituskaka: 1. Logg inn med ID-porten. 2. Du får tilgang til det føreste kakestykket, introduksjon. 3. Skroll ned på siden og se introduksjonsvideoen.
Viser tre trinn for å kome i gang med Tinnituskaka: 1. Logg inn med ID-porten. 2. Du får tilgang til det første kakestykket, introduksjon. 3. Skroll ned på sida og sjå introduksjonsvideoen.

Den dagen du er med på introduksjonskurset til Tinnituskaka blir heile tilbodet i Tinnituskaka opna for deg. I utgangspunktet har du tilgang til Tinnituskaka i eitt år, men det kan vi forlenge ved behov.

Tips

Du kan legge til Tinnituskaka som snarveg på hjem-skjemen på mobil eller på skrivebordet på PC/Mac for enkel tilgang til sida. Snarvegen legg seg som eit ikon med bokstaven H og teksten Helse Midt-Norge. 

Under

Tinnituskaka gir moglegheit for hjelp til sjølvhjelp og direkte behandlarkontakt. Du må jobbe aktivt med Tinnituskaka for å ha nytte av den.

Tinnituskaka består av kakestykka utgreiing, introduksjon, Tinnitus Retraining Therapy (TRT) og Kognitiv Atferdsterapi (KAT), behandlingar som over tid har vist seg nyttige.

Det er spelt inn over 7 timar med videoar der du kan repetere og reflektere over innhaldet.

Der er interaktive ark som du kan bruke til å jobbe med faktorane som vedlikeheld plagene, lite tenlege tankar og lite tenleg åtferd.

Det er lagt opp til behandlarkontakt ved hjelp av tre ulike gruppewebinar.

  • 2 timars seminar om tinnitus, TRT-basert. Vi svarer ut eventuelle spørsmål som du sit med.
  • 2 timars seminar om nedsett lydtoleranse, TRT-basert og KAT-supplert. Vi svarer ut eventuelle spørsmål som du sit med.
  • 2 timars KAT-seminar der vi primært hjelper deg med å bruke dei interaktive arka.

Du får eit digitalt spørreskjema (THI) kvar fjerde månad. Det er viktig at du fyller ut dette skjemaet ved kvar utsending.

Etter

I utgangspunktet har pasientane tilgang til Tinnituskaka i eitt år, ved ønske kan det forlengast.

Ved avslutning sender vi epikrise til fastlege og tilvisande lege. Epikrisen er basert på svara frå spørreskjemaet THI.

Sist faglig oppdatert 26.01.2026

Kontakt

Sjukehuset Nordmøre og Romsdal Hjelset ØNH og kjevekirurgi Hjelset

Kontakt ØNH og kjevekirurgi Hjelset

Oppmøtestad

3. etasje, fløy G . 

Ta kontakt med oss i ekspedisjonen når du kjem. 
Dronebilde av Sjukehuset Nordmøre og Romsdal, Hjelset. Eit sjukehus ved fjorden. Arbeid med uteområdet gjenstår.

Sjukehuset Nordmøre og Romsdal Hjelset

Opdølvegen 4

6450 Hjelset

Finn fram

Transport

Pasientreiser

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss til sjukehuset

Det er busstopp like ved hovudingangen til sjukehuset.

FRAM i Møre og Romsdal fylkeskommune har ansvaret for kollektivtilbudet i fylket. For å søke opp ruter på ein spesifikk trasé, sjå: https://frammr.no/

PDF-tabellane blir også oppdaterte ved endringar: https://frammr.no/reise/rutetabellar-og-linjekart/buss/

Fly

Molde lufthavn, Årø ligg om lag 16 km frå sjukehuset.

Kristiansund lufthavn, Kvernberget ligg om lag 48 km frå sjukehuset.

Parkering 

Det blir ca 1200 parkeringsplasser ved SNR Hjelset. Sjå eigen informasjon under Kart og parkering. 

 

Parkering

Vi har fått automatisk skiltgjenkjenning som registrerer deg når du kjem. Etter besøket kan du gå til betalingsautomat, registrere bilnummeret og betale for tida du har parkert.

Du kan også velje automatisk betaling via appen EasyPark. Les meir kameraparkering på EasyPark si nettside 

Diagram, kart
Du finn parkeringsområde nord (P3) og nordvest (P2) for sjukehuset. HC-parkering finn du også like ved hovudinngangen. Parkeringsområdet ved Hjelsetvegen (P12) er tilgjegeleg både for tilsette og besøkande.

Kart

For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.

Finn fram på sjukehuset med Mazemap

 

Etasjeoversikt SNR Hjelset

Diagram Etasjeoversikt SNR Hjelset.pdf
Ei skisse som viser fløy-inndelinga av sjukehuset og kva avdelingar du finn i dei ulike etasjane.

 

Praktisk informasjon

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

Gjestenettet HMNGuest er opent tilgjengeleg, uten bruk av passord.

​Apoteket ligg rett til venstre når du kjem inn hovudinngangen til SNR Hjelset. 

Opningstider og kontaktinformasjon til sjukehusapoteket på Hjelset kan du finne her

Kafé SNR

Like innom hovudvestibylen i 2. etasje finn du Kafé SNR. Her tilbyr vi lunsj- og middagsrettar, stor salatbar, kaker, fast food og påsmurt bakst. 

Opningstider

Mandag - fredag: kl 9:00-20:00

Laurdag og søndag: kl 10:00-18:00

 

Kiosk

Ved SNR Hjelset har vi også kiosk 24/7 i form av smarte vareskap og drikkeautomatar på sjukehuset. Her får du kjøpt drikke, sjokolade, snacks, gåveartiklar og matrettar frå kjøkkenet. Vi har også Espresso House Barista stasjon.  

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.