Palliativt team Ålesund

Palliativt team er ei tverrfagleg gruppe som gir råd og rettleiing til pasientar som har ein sjukdom ein ikkje kan bli frisk av, som kreft og ALS. Vi samarbeider med fleire yrkesgrupper og har ein spesiell kompetanse innen kreft, palliasjon og anestesi. Vi ønsker at pasient og pårørande skal oppleve best mogleg livskvalitet.

Palliativ (lindrande) behandling er definert som aktiv behandling, pleie og omsorg for pasientar som har ein sjukdom ein ikkje blir frisk av. Palliativt team ønsker å legge til rette for at pasienten får vere mest mogleg heime, eller så nær heimen som mogleg. Dersom pasienten treng utgreiing og behandling av konkrete palliative problemstillingar, kan han innleggast i palliativ seng.

Vi vil samarbeide om god organisering av tenester som den enkelte pasient og pårørande har behov for. Vi arbeider for å styrke fagkunnskap hos helsepersonell gjennom rådgiving og undervisning. Teamet er eit bindeledd mellom sjukehuset og kommunane.

Målet med lindrande behandling

Pasient og pårørande opplever best mogeleg livskvalitet.
Pasient og pårørande er ivaretatt både på sjukehus og i kommunen.

Dette kan ein oppnå ved å:

Forebygge og lindre fysiske, psykiske, sosiale og åndelege/ eksistensielle utfordringar.
Gi støtte til pasient og pårørande.
Gi tverrfagleg tilnærming.
Spreie kompetanse om lindrande behandling og pleie.
Legge til rette for at pasienten kan vere heime så lenge som muleg.
Samarbeide nært med primærhelsetenesten.

Kva kan vi tilby?

Polikliniske konsultasjonar.
Vurderingsbesøk heime eller på sjukeheim/sjukehusavdelingar saman med ansvarleg lege/sjukepleiar.
Hjelp til koordinering og tilrettelegging ved utskriving frå sjukehus.
Rådgjeving, rettleiing og undervising til helsepersonell.
Nært samarbeid med kreftkoordinatorane i kommuna.
Vi planlegg oppfølginga di ut i frå korleis vi forventar at sjukdommen din vil utvikle seg.
I periodar der sjukdommen og symptoma endrar seg mykje vil det kanskje vere nødvendig med tettare og meir regelmessig oppfølging.

Kven er lindrande (palliativt) team?

Ei tverrfagleg samansett gruppe som kan gi råd og rettleiing innan lindrande behandling.
Når pasienten er heime blir han følgt opp av fastlege. Er pasienten på sjukeheim er det tilsynslegen som har ansvaret.

Kompetansen teamet har tilgang på

Lege med spesialkompetanse i anestesi, smertebehandling, kreftbehandling og lindrande behandling
Sjukepleiar med vidareutdanning i kreftsjukepleie og palliasjon
Fysioterapeut
Sosionom
Prest
Ernæringsfysiolog
Ergoterapeut

Få oversikt over tilbodet i din kommune

Ein kreftkoordinator i kommunen skal ha oversikt over kva som finst av tilbod og moglegheiter der du bur.

Her ser du kva kommunar som har kreftkoordinator (kreftforeningen.no)

Kontakt

Telefon

70 10 69 15

Pasientansvarleg lege eller sjukepleiar kan ta direkte kontakt med teamet for rådføring/drøfting av aktuelle problemstillingar.

Tilvising

Ansvarleg lege sender skriftleg tilvising med utfylt symptomregistreringsskjema (ESAS).

Videokonsultasjon

Vi tilbyr videokonsultasjon. Klikk her for rettleiing

Slik finn du fram

Åsehaugen 17. Kreftavdelinga, ved poliklinikken i 1. etasje.

Ålesund sjukehus

Åsehaugen 5

Finn fram

Praktisk informasjon

Eit trenings- og aktivitetsrom for kreftpasientar.

Aktiv mot kreft jobbar for for å få fysisk aktivitet inn som ein del av behandlinga.

Pusterommet er eit trenings- og aktivitetssenter som tilbyr tilpassa fysisk aktivitet til kreftpasientar under og etter behandling. Det er også ein møteplass og sosial arena for pasientar i same situasjon.

Dei tilsette du møter på Pusterommet har spesialkompetanse innan fysisk aktivitet og kreft.

Du kan delta i gruppetrening og/eller få individuelt tilrettelagt treningsprogram.

Pusterommet på Hjelset

Pusterommet i Kristiansund

Pusterommet i Volda

Pusterommet i Ålesund