Vi tilrår at du alltid nyttar siste versjon av nettlesaren din.

Stomi hos vaksne

Nokre menneske har sjukdommar eller misdanningar som fører til forstyrringar i mage-tarmfunksjonen. Blant dei vanlegaste årsakene finn vi kreft, tarmskade og kroniske tarmbetennelsar som ulcerøs kolitt og Crohns sjukdom.

Å leve med stomi

Her kan du finne informasjon om utstyr, stell, råd og utfordringar. 

Les meir om det å leve med stomi
Diagram

Operasjon

Når ein stomi blir anlagt, blir tarmen operert fram til overflata til huda. Avføringa tømmer seg gjennom stomien i staden for gjennom endetarmsopninga. Ein stomi er ikkje omgitt av lukkemuskel slik som endetarmen, tarmtømminga kan difor ikkje kontrollerast. Det er tarmbevegelsane som bestemmer når avføringa kjem ut gjennom ein stomi.

Konsistensen til avføringa avheng av kvar langt ned på tarmen stomien er plassert. I tynntarmen er innhaldet flytande, og slik vil òg avføringa frå ein ileostomi vere. Tjukktarmen sin viktigaste funksjon er å suga opp væske frå tarminnhaldet. Til lenger ned mot endetarmen stomien er plassert, til fastare blir avføringa.

Mellombels og permanent stomi

Ein mellombels stomi blir anlagd når det er nødvendig å avlaste delar av tarmen for ein periode. Då vil det som regel vere to stomiopningar rett ved sida av kvarandre. Avføringa kjem ut i den eine opninga. Den andre opninga (blindstomi) fører ned til den delen av tarmen som ikkje er i bruk. Frå blindstomien kjem det ofte litt slim.

Ein permanent stomi har berre ei opning der avføringa kjem ut. Tarmen som er nedanfor stomien, blir lukka i øvre ende. Slim frå den delen av tarmen som ikkje er i bruk kjem ut gjennom endetarmsopninga.

Hva er en stomi?

Posesystem

Eindelt system betyr at stomiplata/festeplata, og posen er sveisa saman. Posen må tømmast eller blir skifta ved behov. Todelt system består av ein pose og ei plate. Plata blir festa på huda rundt stomien, og posen blir festa i plata.

Stomiposane kan vere tømbare eller ikkje tømbare. Dei kan vera gjennomsiktig eller farga. Alle posar har filter slik at tarmgassen kan sleppe ut medan lukta blir fjerna i filteret.

Stomisjukepleiar har kunnskap om forskjellig stomiutstyr og tilleggsprodukt, og vil i samarbeid med kvar enkelt pasient finne riktig utstyr. Ved kontrollar hos stomisjukepleiar vil stomiutstyret alltid vurderast og du vil få informasjon om nytt aktuelt utstyr.

Stomiutstyr

Stomiutstyr på blå resept

Stomiutstyr, tilleggsprodukt og kompressar til stell av stomi får du på e-resept (blå resept).

Stomisjukepleiar lagar ei liste over utstyr før heimreise slik at det er enkelt å bestille hos apotek eller bandagist. Stomisjukepleiar kan anbefale ein bandagist/apotek i nærområdet ditt, eller finne ein bandagist som leverer utstyret heim. Vi anbefaler å bestille utstyr med ein gang du kjem heim frå sjukehuset då det kan ta noko tid å få utstyret levert. Vi anbefaler å bestille utstyr for berre ein månad ved første bestilling då det kan vere nødvendig å justere stomiutstyret. Du vil få med tilstrekkeleg stomiutstyr for dei første vekene heime.

Før

Informasjon før du skal få anlagt en stomi

 

Før operasjonen

Dei fleste pasientar blir innkalla til ein preoperativ poliklinikk. Her møter du lege, sjukepleiar og fysioterapeut om aktuelt. Førebuingar til operasjonen (for eksempel blodprøver, urinprøver, EKG) blir gjort denne dagen. Du får eigen innkalling i HelsaMi om dette er aktuelt. 

For å hindre komplikasjonar etter operasjon er det viktig at du ikkje har pågåande infeksjonar. Ta kontakt ved feber eller infeksjon.  

Blodtrykket ditt blir målt ved preoperativ poliklinikk. Dersom blodtrykket er for høgt, over fleire målingar, kan dette krevje at du må til fastlegen din for å utgreiast vidare. Den planlagde operasjonen må då utsetjast til blodtrykket er under kontroll. 

Dersom du brukar blodfortynnande medisinar (for eksempel, Plavix, Marevan, Eliquis, Albyl-E) får du beskjed på preoperativ poliklinikk om korleis du skal bruke desse på operasjonsdagen.  

Ha reseptfrie smertestillande medikament heime, som Paracetamol og Ibux. Treng du sterkare smertestillande medikament, får du dette på resept eller med heim til dei første dagane. 

  • Ta med medisinane du har heime om du er i tvil.  

Før planlagt operasjon er det lurt å førebu heimen slik du har det trygt og praktisk når du kjem heim.  

  • Dersom du vil trenge hjelp av kommunal heimesjukepleie eller hjelpemiddel kan du sjølv melde frå til kommunen din slik at dette er planlagt før du blir innlagd.  
  • Ved behov for oppfølging av kommunal fysioterapeut etter operasjon (for eksempel ved hofte eller knekirurgi), må du sjølv ta kontakt og planlegge dette før operasjonen.  

For pasientar som skal leggast inn på sengepost 

Det er ikkje vanleg å reise på rehabiliteringsopphald, men nokon vil ha behov for heimesjukepleie eller korttidsopphald ved utskriving. Dette hjelper personalet deg med under opphaldet. 

For dagpasientar

Skal du til dagbehandling, må du sjølv avtale behov for heimesjukepleie eller korttidsopphald med kommunen på førehand. 

Ålesund sjukehus

Ønsker du å overnatte før operasjon? Du kan sjå pris og bestille rom ved Åse hotell her:Bestill rom ved Åse hotell - Helse Møre og Romsdal 

SNR Hjelset

Dersom du ønsker overnatting før operasjon kan du kontakte poliklinikken/inntakskontoret for prioritering og bestilling av overnatting ved pasienthotellet på sjukehuset.

For dagpasientar

Om du treng ekstra observasjon etter operasjonen.

Ålesund sjukehus

Dersom det av medisinske grunnar er behov for at vi følgjer deg tett den første natta, kan du bli flytta til eller få plass på pasienthotellet. I slike tilfelle dekker sjukehuset opphaldet.

Sjukehuset Nordmøre og Romdal

Dersom det av medisinske grunnar er behov for at vi følgjer deg tett den første natta vil du bli innlagt på sengepost.

Operasjonsdagen

Om du ikkje har vore på preoperativ poliklinikk får du snakke med turnuslege, sjukepleiar og kirurg på operasjonsdagen.

Alle skal faste om ein ikkje har fått beskjed om anna. Faste betyr at du ikkje skal ete, drikke, røyke, bruke snus, drops eller tyggegummi frå midnatt dagen før operasjonen. Du kan drikke klare væsker som vatn, svart kaffi, te og saft (ikkje drikk mjølk, juice og liknande) inntil 2 timar før oppmøtetid. Du kan pusse tennene som vanleg, sjølv om du skal faste før operasjon.

For å førebygge infeksjon skal du møte utan ringer, smykker og piercing. Du skal ikkje barbere operasjonsområdet sjølv, då barbering kan gi små sår i huda og dermed auke risikoen for infeksjon. Vi bruker klippar og ikkje høvel. 

Du skal møte nydusja, anten dusj kvelden før operasjonen eller operasjonsdagen. Bruk reint, romsleg og ikkje loande tøy etter dusj. Dersom du dusjar kvelden før, skal du også ha reint sengetøy.  Møt utan sminke og ikkje ta på parfyme eller bodylotion operasjonsdagen. All kosmetisk neglebehandling, inkludert neglelakk, gellack og støypte neglar, skal fjernast.  

  • Ved operasjonar i magen eller lyske må du gjere rein navlen. 
  • Dersom du skal til ortopedisk operasjon, skal du bruke våtserviettar med klorheksidin etter dusj. La væska trekke inn i huda før du kler på deg. Du får utdelt våtserviettane på preoperativ poliklinikk.  
  • Er operasjonen i handa eller i foten må neglar klippast og reingjerast. 

Ver venleg å møte presis. Vi må ha tid til å førebu deg til operasjonen. Vi gjer merksam på at oppmøtetid ikkje er det same som operasjonstidspunkt og det kan bli venting. Ta gjerne med lesestoff, iPad, musikk på øyret m. m.

For oppmøtestad, sjå under Kontakt lengre ned på denne sida. 

Uansett om du skal vere dagpasient eller bli innlagt på sengepost, er det lurt å ta med

  • Toalettsaker  
  • Gode, romslege klede 
  • Sko som sit godt på foten, og som er enkle og ta av og på 

Dersom du har fått beskjed om kva for faste medisinar du skal ta operasjonsdagen, følg den beskjeden. Ta med dine faste medisinar til sjukehuset.  

Dersom du ikkje har fått beskjed tek du med deg alle medisinar til sjukehuset operasjonsdagen. Du får da vite kva for medisinar du skal ta. 

Vær oppmerksam på følgjande medisinar 

  • Astmamedisinar
    Ta dei som vanleg, og ta dei med til sjukehuset. Bruker du dei berre ved behov, skal du likevel ta dei med. 
  • Diabetesmedisinar
    Om du skal faste før operasjonen skal du ikkje ta diabetesmedisin operasjonsdagen. Får du ete kan du ta diabetesmedisin som vanleg. Ta med fast og behovsmedisin til sjukehuset.  
  • Blodfortynnande /Vektreduserande /Revmatologiske medisinar
    Om du ikkje har fått informasjon om korleis du skal forholde deg til disse type medisinane, ta kontakt med sentralbordet, som kan sette deg over til aktuelt fagområde.
    Sentralbord Sunnmøre
    70 10 50 00
    Sentralbord Nordmøre og Romsdal
    71 12 00 00

Legg att ringer, smykker og verdisaker heime. Vi tek ikkje ansvar for eigendelar som blir oppbevart i seksjonen.

Før operasjonen vil du få informasjon om kva type bedøving som passar best for deg og inngrepet du skal gjennomføre. Her er ei oversikt over dei ulike formene for bedøving vi brukar, og kva dei inneber for deg som pasient.

Lokalbedøving

Dette er ei bedøving som blir gitt i området der du skal opererast. Du får ei sprøyte som gjer at du ikkje kjenner smerte akkurat der inngrepet skjer. Alle får lokalbedøving, og for nokre mindre operasjonar er dette den einaste bedøvinga som blir brukt. Du er vaken under inngrepet, men området er døyvd og smertefritt. 

Narkose

Narkose betyr at du søv djupt under heile operasjonen og ikkje kjenner noko. Du får medisinar som gjer at heile kroppen blir bedøvd, og du vaknar opp når operasjonen er ferdig. Dei fleste føler seg raskt vakne etterpå, og kan ete og drikke nesten med det same. 

Nerveblokade

Her får du bedøving som verkar på ein bestemt kroppsdel, til dømes handa eller foten. Dette gjer at du ikkje kjenner smerte i det området under og etter operasjonen. Effekten varer vanlegvis i 12–24 timar. I tillegg kan du få medisinar som gjer deg avslappa. 

Spinalbedøving

Denne typen bedøving blir gitt med ei sprøyte i ryggen, og gjer nedre del av kroppen døyvd. Du er vaken, men kjenner ikkje smerte frå området som skal opererast. 

 

 

 

 

Under

Stomi betyr opning eller munn. Når ein stomi blir anlagt, blir tarmen operert fram til overflata til huda.

Ein stomi kan anleggast ulike stader på tarmen og får nemning deretter. Ein stomi på tynntarmen (ileum) kallast ileostomi. Ein stomi på tjukktarm (kolon) kallast kolostomi.

Etter

Etter operasjonen er det festa ein stomipose over stomien. Når det kjem luft og avføring i stomiposen er det teikn på at tarmen er komen i gang etter operasjonen. Vanlegvis kjem tarmen i gang 1-3 døgn etter operasjonen. Den første tida etter operasjonen er stomien ofte hoven, hevinga går ned etter ca. 4 veker. Fargen på stomien avheng av blodtilførsel og heving, og kan variere frå lys rosa til mørk raud.

Tarmslimhinna er ikkje smertesensitiv slik som huda, difor er stomistell berre ubehageleg når du er nyoperert. Stomislimhinnen blør lett ved berøring. Litt bløding under stomistellet er normalt, og ikkje farleg. Stomislimhinnen er festa i huda med sting. Desse stinga er sjølvoppløyslege og vil forsvinne etter 2-3 veker.

Første stell av stomien

Første stomistell skjer vanlegvis 1-2 dagar etter operasjonen. Stomistell bør i utgangspunktet utførast på badet og ikkje i senga. Stomisjukepleiar eller sjukepleiar vil forklare og vise deg stomistell. Det blir forventa at du tidleg deltek i stell av stomien då dette vil hjelpe deg til å bli sjølvstendig. Etter første stomistell er det vanleg å skifte på stomien saman med stomisjukeplaiar/sjukepleiar dagleg. Under rettleiing tar du sjølv gradvis over.

Les om

 

Stomiutstyr og stell

Legg klart alt nødvendig stomiutstyr før stell

Utstyr:

  • Stomiplate
  • Stomipose
  • Saks
  • Mjuke kompressar
  • Avfallspose
  • Tilleggsutstyr som tetningsring eller tetningspasta etter behov
  • Klebefjernarspray/serviettar

Den gamle plata/posen blir fjerna forsiktig. Trekk forsiktig i plata samtidig som du trykker mot huda med fuktig kompress, eller bruk klebefjernar under stomiplata.

Huda kan vere litt raud like etter stomiplata er fjerna. Denne rødmen forsvinn som regel når huda har lufta seg ei stund. Kraftig raudfarge og irritasjon skuldast oftast lekkasje under stomiplata. Stomisjukeplaiar eller sjukepleiar kan gi råd for å igjen få heil og frisk hud.

Bruk mjuke kompressar og vask med lunka vatn frå springen. Små restar frå den gamle plata kan sitje igjen på huda, dette hindrar vanlegvis ikkje at den nye plata festar seg. Unngå å gni eller “skrubbe” huda. Ved bruk av klebefjerner, vask huda godt med fuktige kompressar. Etter vask, skal du tørke huda forsiktig med mjuke kompressar.

Holet i stomiplata skal passa rundt stomien. Hud rundt stomien skal dekkast av plate eller tetningsring slik at huda ikkje blir skadd av tarminnhald. For å få riktig form og storleik på holet i plata kan det vere lurt å lage ein mal. Om du har ein mellombels stomi, med to stomiopningar, er det er viktig at det er plass til blindstomien i holet som blir klipt til stomien. Ver obs på at stomien forandrar storleik den første tida.

Ved hudproblem kan du kontakte stomisjukepleiar for råd og behandling. Fleire ulike hudprodukt kan vere aktuelle. Det finst mange tiltak for å betre problem med sår hud eller lekkasje og du vil få individuelle råd.

Tetningsring kan brukast ved lekkasjeproblematikk. Det finst mange alternative tetningsringar, formbare og stabile. Ein tetningsring blir lagt tett inntil stomien og vil suge opp fukt frå hud og stomi, og kan hindre lekkasje.

Tetningspasta kan brukast i staden for eller i tillegg til tetningsring. Pastaen blir fylt i ei 5 ml sprøyte. Pastaen blir så sprøyta rundt stomien eller rundt holet på baksida av plata/posen.

Pasta og ring vil absorbere avføring og hindre lekkasje under plata.

Den nye plata/posen blir festa

Når huda rundt stomien er rein og tørr kan posen festast på huda. Klipp passe stort hol i stomiplata. Holet skal vere 1-2 mm større i diameter enn sjølve stomien om du har ein colostomi. Ved ileostomi bør plata ligge tett inntil stomien, men pass på at ho ikkje gneg på stomien. Fjern vernfilmen frå plata, og fest plata frå undersida av stomien og oppover. Fest plata godt, spesielt innerst mot stomien. Du kan halde ei varm hand over stomiposen i eit par minutt for at plata skal feste godt.

Ein bør byta plate/pose kvar andre til tredje dag eller oftare. Mange vel dagleg skift, etter dusj. Viss du har ein ileostomi kan det vere ein fordel å stelle stomien før du et frukost då mat og drikke vil gjere stomien meir aktiv.

Fysisk aktivitet

Fysisk aktivitet er viktig og du skal bevege deg daglig. Men, vær forsiktig med bruk av de rette magemusklene og tunge løft de første 3 månedene etter operasjon. Det er viktig med gradvis bruk og opptrening av de rette magemusklene.
 
 

Kverdag med stomi

Desse kosthaldsråda kan hjelpe mot luftplager, diaré og ubehageleg lukt. Det er viktig at råda blir tilpassa individuelt og at du finn ut kva som passar best for deg. Om du tidlegare har reagert på matvarer, vil det truleg ikkje endre seg fordi du får stomi.

  • Det er viktig å tygge maten godt og ete hyppige måltid, ca. 3-4 timar mellom kvart måltid. Ikkje hopp over måltid, et heller lite og ofte. Det kan òg vere ein fordel å ta det med ro etter måltid. Vatn er bra, prøv å få i deg minimum 2,5 liter vatn kvar dag, prøv å drikke utanom måltida.
  • Alle har tarmgassar, men for nokon kan det gi meir plager enn hos andre. Nokre matvarer er kjente for å gi auka tarmgass. Erter, bønner, løk og alle typar kål kan gi auka tarmgass. I tillegg er det verd å nemne: brokkoli, reddik, melon, nøtter, fisk og laktose, kullsyre, sopp, søtsaker (spesielt sukkerfrie alternativ).
  • Konsistensen på avføringa kan, som nemnt, variere alt etter kvar på tarmen stomien er lagt ut. Desto høgare opp på tarmen stomien er lagt ut, desto tynnare blir konsistensen på avføringa. Avføringa kan i tillegg til mat og drikke, blir påverka av stress, medisinar og sjukdom.

Les om

Stomikomplikasjoner

Heimreise

Det er vanleg å reise heim frå sjukehuset etter 3-7 dagar etter operasjon. Du kan ikkje køyre bil heim sjølv. Prøv å planlegge transporten heim på førehand slik at nokon kan hente deg når du blir skriven ut.

Kontroll

3-4 veker etter operasjon skal du til kontroll hos kirurg ved kirurgisk poliklinikk. Ved nokre sjukehus vil du få time hos stomisjukepleiar same tid.

Ver merksam

Utfordringar som kan oppstå med stomi

Ved utfordringar eller bekymring knytt til stomien bør du kontakte stomisjukepleiar eller fastlege.

  • Sår hud og lekkasjar
  • Blod frå stomien
  • Brokk

Spesielt for deg med ileostomi

Dersom du ikkje klarer å erstatte det du tapar på stomien og får symptom på dehydrering (tørste, kvalme, muskelkrampar) må du kontakte lege.
Du må følgje med på urinen din etter utskriving. Du må følgje med på fargen og mengde urin kvar dag. Om du får redusert allmenntilstand, er plaga med kvalme/oppkast, eller har sparsam mengde urin må du kontakte lege. Det kan vere lurt å drikke ein kopp med buljong kvar dag, særleg om det kjem mykje på stomien din og du får mørkare urin. Buljong inneheld salt og kan erstatte saltet du taper ved store mengder tynn avføring. Det kan òg vere lurt å salte maten ekstra.

Sist faglig oppdatert 30.08.2024

Kontakt

  • Kontakt Sengepost kirurgi 2 SNR

    Oppmøtestad

    Plan 6, fløy F. 

    En by ved siden av et vannområde

    Sjukehuset Nordmøre og Romsdal Hjelset

    Opdølvegen 4

    6450 Hjelset

    Finn fram

    Transport

    Parkering

    Vi har fått automatisk skiltgjenkjenning som registrerer deg når du kjem. Etter besøket kan du gå til betalingsautomat, registrere bilnummeret og betale for tida du har parkert.

    Du kan også velje automatisk betaling via appen EasyPark. Les meir kameraparkering på EasyPark si nettside 

    Du finn parkeringsområde nord (P3) og nordvest (P2) for sjukehuset. HC-parkering finn du også like ved hovudinngangen. Parkeringsområdet ved Hjelsetvegen (P12) er tilgjengeleg både for tilsette og besøkande.

    Kart

    For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.

    Finn fram på sjukehuset med Mazemap

     

    Etasjeoversikt SNR Hjelset

    Diagram Etasjeoversikt SNR Hjelset.pdf
    Ei skisse som viser fløy-inndelinga av sjukehuset og kva avdelingar du finn i dei ulike etasjane.

     

    Pasientreiser

    Når du har vore til behandling, kan du søke om å få reisestøtte. Treng du tilrettelagd transport for å kome til behandling, kan du ha rett til å få ei organisert reise.

    Meir informasjon om pasientreiser finn du på helsenorge.no

    Buss til sjukehuset

    Det er busstopp like ved hovudingangen til sjukehuset.

    FRAM i Møre og Romsdal fylkeskommune har ansvaret for kollektivtilbudet i fylket. For å søke opp ruter på ein spesifikk trasé, sjå: https://frammr.no/

    PDF-tabellane blir også oppdaterte ved endringar: https://frammr.no/reise/rutetabellar-og-linjekart/buss/

    Fly

    Molde lufthavn, Årø ligg om lag 16 km frå sjukehuset.

    Kristiansund lufthavn, Kvernberget ligg om lag 48 km frå sjukehuset.

    Parkering 

    Det blir ca 1200 parkeringsplasser ved SNR Hjelset. Sjå eigen informasjon under Kart og parkering. 

     

    Praktisk informasjon

    ​Barn og unge blir påverka når nokon i familien blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

    Les om kva vi gjer for barn og ungdom som er pårørande

    Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

    Gjestenettet HMNGuest er opent tilgjengeleg, uten bruk av passord.

    ​Apoteket ligg rett til venstre når du kjem inn hovudinngangen til SNR Hjelset. 

    Opningstider og kontaktinformasjon til sjukehusapoteket på Hjelset kan du finne her

    Kafé SNR

    Like innom hovudvestibylen i 2. etasje finn du Kafé SNR. Her tilbyr vi lunsj- og middagsrettar, stor salatbar, kaker, fast food og påsmurt bakst. 

    Opningstider

    Mandag - fredag: kl 9:00-20:00

    Laurdag og søndag: kl 10:00-18:00

     

    Kiosk

    Ved SNR Hjelset har vi også kiosk 24/7 i form av smarte vareskap og drikkeautomatar på sjukehuset. Her får du kjøpt drikke, sjokolade, snacks, gåveartiklar og matrettar frå kjøkkenet. Vi har også Espresso House Barista stasjon.  

    ​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

    Det ikkje er lov å ta bilde av medpasientar eller tilsette uten løyve.

    Vi håper alle viser respekt for personvernet under besøket ved sjukehuset.

  • Kontakt Kirurgisk sengepost B Ålesund

    Oppmøtestad

    5. etasje, fløy HØ (høgblokka). 

    For pasientar som skal til planlagt innleggelse er oppmøtested på Dageininga i 7.etasje, fløy HØ (høgblokka)).

    Hovudinngangen sett frå utsida.

    Ålesund sjukehus

    Åsehaugen 5

    Finn fram

    Transport

    Parkering

    Besøksparkering i parkeringshuset Passasjen, med innkøyring ved habiliteringsbygget og ved den nye hovudinngangen til sjukehuset. Parkering i parkeringshuset blir registrert automatisk med skiltgjenkjenning. 

    Oppdaterte prisar for parkering finn du på sunnmoreparkering.no

    Betalingsalternativ
    • Parkly-appen. Registrer bil og betalingskort i appen for automatisk trekk. 
    • Parkeringsautomat med betaling før utkøyring. Parkeringsautomaten finn du i 1. etasje i parkeringshuset, like ved hovudinngangen til sjukehuset. 
    • Faktura. Ver merksam på fakturagebyr. 
    • På nett innan 48 timar. Gå til sunnmoreparkering.no
    • Appen EasyPark er også eit godt betalingsalternativ. Du kan aktivere kameraparkering i appen for automatisk trekk.
    HC-parkering

    HC-parkering finn du i første etasje på parkeringshuset, med innkøyring ved hovudinngangen til sjukehuset. I tillegg er det HC-parkering ute ved habiliteringsbygget, hovudinngangen, barne- og ungdomsavdelinga, kreftavdelinga, vaksenpsykiatrisk poliklinikk / barne- og ungdomspsykiatrisk poliklinikk (BUP), UPA og ved administrasjonsbygget. 

    Oversikt over sjukehusområdet

    Markeringar på bildet: Grøn markering viser parkering for pasientar/besøkande. Mørk blå markering viser HC-parkering. Det er i tillegg avsett fleire plassar for HC-parkering i 1. etasje i parkeringshuset.  

    Kart

    For å finne fram på sjukehuset kan du bruke karttenesta Mazemap. Tenesta gir detaljert vegskildring til avdelingar, kafear, toalett og andre stader på sjukehuset. Du kan også bruke kartet heimafrå for å førebu deg til oppmøte.

    Finn fram på sjukehuset med Mazemap

     

    Omriss av hovudbygget ved Ålesund sjukehus med inndeling etter fløy og etasjeoversikt. Vestibyleskilt Ålesund sjukehus web2.pdf

    Avdelingar og inngangar på sjukehusområdet

    Hovudinngang Ålesund sjukehus
    Åsehaugen 5D
    Administrasjonsbygget
    Åsehaugen 1b
    Akuttmottak
    Åsehaugen 5C
    Apotek
    Åsehaugen 5A
    Audiopedagogen
    Åsehaugen 9
    Dagkirurgi aust
    Åsehaugen
    Barne- og ungdomsavdelinga
    Åsehaugen 11
    Barne- og ungdomspsykiatrisk poliklinikk (BUP)
    Geilebergvegen 20
    Døgnseksjonen psykisk helsevern for barn og ungdom
    Geilebergvegen 18
    Habiliteringsbygget
    Åsehaugen 3
    Kreftavdelinga
    Åsehaugen 17
    Psykiatribygget
    Åsehaugen 7A
    Vaksenpsykiatrisk poliklinikk
    Geilebergvegen 20
    Åse hotell
    Åsehaugen 7
    Åsebøen 1
    Åsebøen 5

    ​Vi har ladestasjonar for el-bil ved fleire av våre lokasjonar. Her finn du oversikt over ladestasjonane:

    Ladestasjonar for el-bil

    Pasientreiser

    Når du har vore til behandling, kan du søke om å få reisestøtte. Treng du tilrettelagd transport for å kome til behandling, kan du ha rett til å få ei organisert reise.. Meir informasjon om pasientreiser finn du på helsenorge.no

    Buss

    Dei fleste bussar stoppar ved Passasjen parkering, parkeringshuset nord for hovudinngangen til Ålesund sjukehus.

    Gå via parkeringshuset og ta trappa/heisen ned til første etasje der du kjem rett til hovudinngangen til Ålesund sjukehus.

    Fly

    Ålesund lufthavn, Vigra ligg om lag 23 km frå Ålesund sjukehus. 
     

    Praktisk informasjon

    ​Barn og unge blir påverka når nokon i familien blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

    Les om kva vi gjer for barn og ungdom som er pårørande

    ​​Besøkstida er kl. 17.00-19.00 alle dagar. ​

    Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

    Gjestenettet HMNGuest er opent tilgjengeleg, uten bruk av passord.

    ​Vi ber om avgrensa bruk av parfyme, då det er mange av pasientane våre som reagerer på dette.

    ​Dette gjeld også ved poliklinisk time på sjukehuset. ​

    ​​​Næraste alternativ for pasientar og pårørande som treng overnatting er pasienthotellet på Åse.

    Åse hotell

     

    Treng du nokon å snakke med? ​
    Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

    Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

    Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

    Kontaktinformasjon og meir om prestetenesta

    ​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

    Opningstid

    07.30–15.30

    Opningstider og kontaktinformasjon finn du på sjukehusapoteket sine sider 

    ​Apoteket ligg på nordsida av sjukehuset, like ved  hovudinngangen.

    Kafé

    Vi har god heimelaga mat, varme og kalde rettar, til gode prisar.​

    Du finn oss​ i 1. etasje, fløy M. Velkomen!

    Opningstider:
    • Måndag til fredag: kl 09.00 - 15.00
    • Helg og høgtid: stengt

    Kios​k

    I tillegg har vi kiosk i hovedvestibylen ved sjukehuset. 
    Opningstider:
    • Måndag til fredag: kl 07.00 - 20.00
    • Laurdag og søndag: 12.00 - 18.00
    • Raude dagar: 10.00 - 18.00

    ​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

    Det ikkje er lov å ta bilde av medpasientar eller tilsette uten løyve.

    Vi håper alle viser respekt for personvernet under besøket ved sjukehuset.

  • Kontakt Kirurgisk sengepost Volda

    Oppmøtestad

    Kirurgisk sengepost ligg i 3.etasje og er tilgjengelg via hovudtrappa eller via heis frå hovudvestibylen.
    En stor bygning med et tre foran seg

    Volda sjukehus

    Kløvertunvegen 1

    Finn fram

    Transport

    Besøksparkering på tilvist stad på sjukehusområdet, sjå kart under. 

    • Merk at du alltid må registrere bilnummeret på parkeringsautomat eller i EasyPark-appen ved ankomst
    • Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
    • Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
    • Appen EasyPark er også eit godt betalingalternativ
    • Besøkande med HC-kort har betalingsfritak på parkeringsplassar med HC-merking. 
    1. Hovudinngang
    2. Akuttmottak
    3. Volda DPS
    4. BUP
    • Grøn markering: Parkering for pasientar og besøkande
    • Oransje markering: Parkering for HC
    • Raud markering: Parkering for blodgivarar (ingen avgift) 
    • Lilla: Ladestasjon
    • P: Parkeringsautomatar

     

    ​Vi har ladestasjonar for el-bil ved fleire av våre lokasjonar. Her finn du oversikt over ladestasjonane:

    Ladestasjonar for el-bil

    Pasientreiser

    Når du har vore til behandling, kan du søke om å få reisestøtte. Treng du tilrettelagd transport for å kome til behandling, kan du ha rett til å få ei organisert reise.

    Meir informasjon om pasientreiser finn du på helsenorge.no

    Buss

    Fram Ekspress og alle andre bussar går innom busslomma ved Volda sjukehus

    Fly

    Ørsta-Volda lufthamn, Hovden ligg om lag 8 km frå Volda sjukehus.

    Praktisk informasjon

    ​Barn og unge blir påverka når nokon i familien blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

    Les om kva vi gjer for barn og ungdom som er pårørande

    Besøkstid kl. 17.00-19.00 alle dagar. 

    Ta kontakt med aktuell avdeling før besøket. ​


    På barselavdelinga gjeld følgjande besøkstider​​​​​​

    For partnar som ikkje er innskriven i avdelinga saman med mor er kjernetida for besøk mellom kl 10.00-20.00.
    ​
    Besøkstid for søsken og besteforeldre mellom kl 17.00 og 18.00.

    Vi anbefaler ro rundt mor og barn i barseltida på sjukehuset.​​

    Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

    Gjestenettet HMNGuest er opent tilgjengeleg, uten bruk av passord.

    ​Vi ber om avgrensa bruk av parfyme, då det er mange av pasientane våre som reagerer på dette.

    ​Dette gjeld også ved poliklinisk time på sjukehuset. ​

    Treng du nokon å snakke med? ​
    Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

    Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

    Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

    Kontaktinformasjon og meir om prestetenesta

    ​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

    Opningstid

    08.00–16.30

    Kantina

    Hos oss får du god heimelaga mat til gode prisar. 

    Middagsservering kvar dag frå kl 12.00 - 16.00. I tillegg har vi litt kioskvarer, kringler, kaker og påsmurt brødmat. Vi har også pålegg og brødmat som du kan smøre sjølv.

    Opningstider
    • Måndag til fredag: kl 08.00 - 16.00
    • Laurdag og søndag: kl 12.00 - 16.00

    ​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

    Det ikkje er lov å ta bilde av medpasientar eller tilsette uten løyve.

    Vi håper alle viser respekt for personvernet under besøket ved sjukehuset.