Vi tilrår at du alltid nyttar siste versjon av nettlesaren din.
Volda sjukehus

DPS poliklinikk Volda

Poliklinikken tilbyr utgreiing og behandling til menneske som har moderate til alvorlege psykiske lidingar. Med bakgrunn i tilvisinga så vil dei fleste pasientar få tilbod om helsehjelp her. Pasientar med til dømes mindre lidingar kan ha god nytte av å heller møte fastlegen, kommunal psykolog eller kommunalt helseteam. Behandlinga kan vere ulike former for samtaleterapi individuelt eller i grupper, og eventuelt medikamentell behandling.

Poliklinikken har mellom anna kompetanse innan psykodynamisk terapi, kognitiv terapi, EMDR, korttids- og langtids gruppebehandling og medikamentell behandling.

Vi samarbeider med fastlegar, NAV og andre relevante instansar der det er behov for det.

Opptaksområdet er kommunane: Hareid, Herøy, Sande, Ulstein, Vanylven, Volda og Ørsta.

I tillegg til ordinær poliklinikk har vi eit fylkesdekkande behandlingstilbod for pasientar med tvangslidingar (OCD). OCD-teamet held til i poliklinikken ved DPS Molde.

Tilvising

Tilvisingane til oss kjem i hovudsak frå fastlege. Alle tilvisingar blir vurdert i inntaksteam fortløpande. Pasienten sin helsetilstand blir først og fremst vurdert ut frå opplysingane i tilvisinga, og difor er det viktig at denne inneheld relevante opplysingar om sjukehistorie, symptom og forsøk på behandling.

Innan ti arbeidsdagar frå vi har fått tilvisinga skal vi ha vurdert den og sendt svar til pasienten med vår vurdering og eventuelt tidspunkt for behandling.

Sjekkliste for tilvising:

  • Aktuelle symptom.
  • Aktuell funksjonsskildring.
  • Aktuelle kartleggingar/testar (eksempelvis MADRS).
    - Kva behandling/oppfølging er gitt fram til no, og effekt så langt?
    - Tidlegare psykiske helseplager.
    - Kjente psykiske helseplager i nær familie.
    - Somatisk status.
    - Medisinar (dato for siste endringar, og serumkonsentrasjon).
    - Eventuell rusmiddel-/legemiddelavhengigheit.
    - Cave.
    - Omsorg for barn.
    - Nettverk.
    - Pasienten sin motivasjon for behandling.


Ved behov for akutt hjelp kan du kontakte vårt ambulante akutteam.

Poliklinikken samarbeider nært med DPS døgnseksjonar og ambulante seksjonar i foretaket, og skal videre bistå kommunehelsetenesta med vegleiing og kompetanseutvikling. Vi har fokus på gruppebehandling og samarbeid med det somatiske tilbodet, samt behandling av rus- og avhengigheitstilstandar.

Utgreiing

Utgreiing skjer gjennom samtalar og ulike former for kartleggingsverktøy. Behov for dette vert vurdert individuelt.

Behandling

Behandling skjer ved samtalebehandling og gruppebehandling.

Det vert nytta ulike terapiformer som mellom anna:

  • kognitiv terapi
  • psykodynamisk terapi
  • EMDR

Poliklinikken gir også tilbod om vurdering av medikament og elektrosjokk-behandling (ECT).

Gruppetilbod ved poliklinikken

- Dialektisk atferdsterapi (DBT).

- Psykoterapigruppe for ADHD-pasientar.

- Pagasuskurs for ADHD-pasientar.

Opningstid
Poliklinikken er open frå måndag til fredag kl 08.00 - 15.30.

Tilvising
Det skal nyttast ordinær søknad ved tilvising.

Lokalisering
Poliklinikken er lokalisert ved sjukehusbygninga. Inngangen er på vestsida av bygget, rett inn frå parkeringsplassen. Du finn oss i 2. etasje.

Busstopp
Bussen stoppar like ved hovudinngangen til Volda sjukehus.

Drosje/pasienttransport
Dersom du på grunn av helsa di ikkje kan nytte rutegåande transport til sjukehuset, kan du be om rekvisisjon til pasienttransport hos fastlegen eller behandlaren din. Du finn meir informasjon om dette på pasienttransport.no.

Parkering
Parkeringa som er nærast poliklinikken finn du rett utanfor inngangen, eller du kan parkere på andre stadar i sjukehusområdet. Det er innført parkeringsavgift også ved Volda sjukehus.

Kontakt

Telefon

Ekspedisjon

70 05 85 60
  • Måndag - Fredag 08:00 - 15:00
  • Laurdag - Søndag STENGT

Forløpskoordinator pakkeforløp

70 05 85 60

Postadresse

DPS Volda poliklinikk, Helse Møre og Romsdal HF, Volda sjukehus, Boks 113, 6102 Volda

E-post

vaksenpsykiatrisk.avdeling.fellespostkasse@helse-mr.no

Videokonsultasjon

Vi tilbyr videokonsultasjon. Klikk her for rettleiing

Behov for å endre timen din?

HelsaMi
Behov for å endre timen din? Ring til avdelinga eller send ei melding via HelsaMi. Logg på helsami.no eller last ned HelsaMi-appen og finn timen din der. Det er viktig at du tar kontakt så snart som råd, og seinast 24 timar før avtalt time for å unngå gebyr. Då kan også andre få tilbod om timen og du bidreg til å redusere ventetidene. Dersom du ikkje melder frå innan fristen, blir du belasta med eit gebyr, sjølv om du er fritatt for eigendel.

Slik finn du fram

Oppmøtestad

Poliklinikken finn du i eige bygg på vestsida av Volda sjukehus. I andre etasje på DPS-bygget for vaksne.

En stor bygning med et tre foran seg

Volda sjukehus

Kløvertunvegen 1

Finn fram

Besøksparkering på tilvist stad på sjukehusområdet, sjå kart under. 

  • Merk at du alltid må registrere bilnummeret på parkeringsautomat eller i EasyPark-appen ved ankomst
  • Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
  • Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
  • Appen EasyPark er også eit godt betalingalternativ
  • Besøkande med HC-kort har betalingsfritak på parkeringsplassar med HC-merking. 
Kart
  1. Hovudinngang
  2. Akuttmottak
  3. Volda DPS
  4. BUP
  • Grøn markering: Parkering for pasientar og besøkande
  • Oransje markering: Parkering for HC
  • Raud markering: Parkering for blodgivarar (ingen avgift) 
  • Lilla: Ladestasjon
  • P: Parkeringsautomatar

 

​Vi har ladestasjonar for el-bil ved fleire av våre lokasjonar. Her finn du oversikt over ladestasjonane:

Ladestasjonar for el-bil

Pasientreiser

Når du har vore til behandling, kan du søke om å få reisestøtte. Treng du tilrettelagd transport for å kome til behandling, kan du ha rett til å få ei organisert reise.

Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved Volda sjukehus

Fly

Ørsta-Volda lufthamn, Hovden ligg om lag 8 km frå Volda sjukehus.

Praktisk informasjon

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Besøkstid kl. 17.00-19.00 alle dagar. 

Ta kontakt med aktuell avdeling før besøket. ​


På barselavdelinga gjeld følgjande besøkstider​​​​​​

For partnar som ikkje er innskriven i avdelinga saman med mor er kjernetida for besøk mellom kl 10.00-20.00.
​
Besøkstid for søsken og besteforeldre mellom kl 17.00 og 18.00.

Vi anbefaler ro rundt mor og barn i barseltida på sjukehuset.​​

Pasientar og besøkande kan bruke gratis trådlaust internett på sjukehuset. Sjå etter HMNGuest på mobil eller datamaskin.

Gjestenettet HMNGuest er opent tilgjengeleg, uten bruk av passord.

​Vi ber om avgrensa bruk av parfyme, då det er mange av pasientane våre som reagerer på dette.

​Dette gjeld også ved poliklinisk time på sjukehuset. ​

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

08.00–16.30

Kantina

Hos oss får du god heimelaga mat til gode prisar. 

Middagsservering kvar dag frå kl 12.00 - 16.00. I tillegg har vi litt kioskvarer, krigler, kaker og påsmurt brødmat. Vi har også pålegg og brødmat som du kan smøre sjølv.

Opningstider:

  • Måndag til fredag: kl 08.00 - 16.00
  • Laurdag og søndag: kl 12.00 - 16.00

 

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.